Turbocharger(टर्बोचार्जर )- Working & Benefits:Automobile training in Hindi

Turbocharger(टर्बोचार्जर )- Working & Benefits:Automobile training in Hindi


Hello friends and welcome back! Dosto aaj ka jo concept hum discuss karney
waley hai, wo kaafi important toh hai he ,lekin sath he kaafi interesting bhi. Dekhiye, kisi bhi fuel ko jalney ke liye zayada
oxygen aur zayada air ki zarurat padti hai. Jitna aacha supply air ka engine ko mil jayega,
utna he better fuel burn karega. Salo se researchers aur scientists iss cheez
ke pichey lagey huye thay ki kya karey ki engine ko additional air ka supply mil sakey. Iss poori samasya ka hal, iss poori samasya
ka samadhan tha Turbocharger! Toh dosto aaj ka session isi ke barey mei
hai. Turbocharger kya hota hai,aur wo kaise kaam
karta hai. Toh chaliye,shuru kartey hai. Aaiye dekh letey hai ek engine jispe turbocharger
laga hua hai wo kaise kaam karta hai. Sadharan engine ke ander,exhaust gases waste
ho jati hai. Unko seedhey paryavaran mei chor dia jata
hai. Lekin ek turbocharged engine ke ander aisa
nahi hota. Exhaust gases jaise he cylinder se bahar nikalti
hai, unka speed badha dia jata hai. Aur bahaut tezi ke sath wo trubocharger ke
pehley part se takraati hai, jo ke hota hai ek high speed turbine wheel. Itni tezi ke sath ye hawa takraati hai, ki
iss turbine wheel ko bahaut he zabardast speed se ghuma deti hai. Iski speed 150000-300000 rpm ke beech kuch
bhi ho sakti hai. Itna zayada iss hawa ke ander pressure aur
speed hota hai. Iskey baad ye exhaust gases paryavaran main
bahar chali jati hai. yaha pe inn exhaust gases ka kaam khatam. Lekin jatey jatey unhoney apna ek important
function poora kar dia. Wo ye ki turbine ke wheel ko zoro se ghuma
dia at amazingly high speeds. Iss tezi se ghoomtey huye turbine wheel se
ek aur turbine wheel(compressor wheel) juda hua hota hai .
Iska kaam suction ka hota hai. First turbine wheel ke ghomney ke karaan,
second turbine wheel(compressor wheel) bhi high speeds pe ghoomney lagta hai. Utney he high speeds pe jinpe pehla turbine
wheel ghoom raha hai. Aur iski speed itni zabardast ho jati hai
ki kaafi saari hawa ko paryavaran se khainch leta hai ,engine ki taraf. Iski speed first turbine wheel jitni he hai. Difference sirf itna hai ki pehla turbine
wheel sirf ghoom raha hai aur dusra turbine wheel(compressor wheel) ghoomney ke sath sath
paryavaran ki hawa ko sokh raha hai bahaut he zayada capacity ke sath. Ye saari ki saari hawa fir engine ki taraf
dhakel di jaati hai. Ye ek intercooler se hotey huye, engine ki
taraf pahauchti hai. Intercooler ka kaam ye hai ki wo iss hawa
ka ghanatva(density) aur badha deta hai. Aur finally iss hawa ko engine ke ander daal
deta hai. Dekhiye dosto, dekhney me ye process kaafi
simple lag sakta hai. Lekin , iss poorey process ko turbocharger
ko , engine ke sath compatible bananey ke liye high level of engineering lagta hai. Aur jab ye poora process ho jata hai, toh
engine ko extra hawa mil jati hai. Uske simple se 3 faydey hotey hai:
Fayda no. 1:Jaisey he additional hawa ander aati hai,
toh fuel better compust hota hai. Poori tareh se jalta hai. Aur ekdum khul ke jalta hai. Iss kaaran se sabsey pehley POWER zayada milti
hai. 2)Secondly, jab ye poori tareh se fuel burn
hoga toh better mileage bhi gaadi ko dega. 3) And thirdly, agar ye fuel dhang se burn
hoga toh abki baar jo exhaust gases engine se bahar niklegi, wo badi he clean hogi
kyunki unke ander harmful pollutants nahi hogey. kyunki fuel abki baar dhang se burn hua hai,
poora burn hua hai. Dosto, yahi turbocharger ka kaam hai
Aur ye iske 3 badey faydey hai. Turbocharged engines ne scientists aur engineers
ki bahaut saari problems solve kar di hai. Ab chotey engine he badey engino jitni power
de detey hai. Chotey engine he kaafi kifayati ban gaye hai. Toh scientists ko aur engineers ko badey bulky
engines nahi design karney padtey. Toh kul mila ke turbocharger apney aap mei
ek krantikaari innovation hai automobile engineering ke ander. Toh dosto aaj ke session mei turbocharger
ke barey mei itna he. Thank you for listening patiently to me. Agar aapko aisey videos roz receive karney
hai toh aap iss channel ko subscribe kar lijiye agar apko lagta hai ki ye video kisi aur ke
bhi kaam aa sakta hai toh unkey sath bhi iss video ko zarur se share kijiye. Seekhtey rahiye, sikhatey rahiye .
Take care and JAI HIND!